आग्रा येथे गायी आणि बैलांवर अॅसिड हल्ला

आग्रा,22- आग्रा जिल्ह्यातील सुदूर गावात गायी आणि बैलांवर अॅसिड हल्ला करण्यात आल्याची धक्कादायक घटना घडली आहे. याप्रकरणी अज्ञात व्यक्तिंविरोधात पोलिसांत गुन्हा दाखल करण्यात आला असून आरोपींचा शोध घेण्यात येत आहे.
बजरंग दलाने सोमवारी हा आरोप केला. एका अज्ञात व्यक्तिने गावातील डझनभर गायी-बैलांवर अॅसिड हल्ला केला. सध्या या जखमी गायी आणि बैलांवर उपचार सुरू आहेत. याप्रकरणी भादंविच्या कलम ४२९ अन्वये गुन्हा दाखल केला असून आरोपींचा कसून शोध सुरू असल्याचं पोलीस ठाण्याचे प्रभारी राजा सिंह यांनी सांगितलं. गेल्या काही महिन्यापासून ताजगंजमधील करभाना गावातही गायी आणि बैलांवर अॅसिड हल्ले होत आहेत. हरयाणाच्या फरिदाबाद येथेही गायींवर अॅसिड हल्ला होण्याच्या घटना घडल्या आहेत. बैलांना पळवून लावण्यासाठीच हे अॅसिड हल्ले होत असल्याचं गावकऱ्यांचं म्हणणं आहे.