करडी येथे जातीय सलोखा समितीची सभा

करडी(पालोरा)-करडी येथील पोलीस स्टेशनच्या वतीने दि. २३ ऑगष्ट रोजी पोलीस स्टेशनच्या आवारात जातीय सलोखा समितीची सभा पार पडली. या सभेच्या अध्यक्षस्थानी जि.प. सदस्या नलिमा इलमे होत्या. प्रमुख पाहूणे म्हणून सरपंच सिमा साठवणे, गंगाबाई साठवणे, ठाणेदार तुकाराम कोयंडे, सौ. चौरागडे आदी प्रामुख्याने उपस्थित होत्या. यावेळी गणपती उत्सव व अन्य सण, उत्सव कसे शांततेत पार पाडायचे, कायदा व सुव्यवस्था कशी अवाधित ठेवता येईल, याची माहिती देण्यात आली. परस्पर बंधुभाव, सदभावना, एै्नय व इतरांच्या सणांचा, उत्सवांचा आदर कसा बाळगायचा, यासंबंधी मार्गदर्शन करण्यात आले. कायदा व सुव्यवस्था राखण्यासाठी सर्वानी सहकार्य करण्याचे आवाहनही यावेळी करण्यात आले. कार्यक्रमाला परिसरातील सरपंच, पोलीस पाटील, पोलीस मित्र, सामाजीक कार्यकर्ते, सार्वजनिक गणेशोत्सव मंडळाचे अध्यक्ष व पदाधिकारी तसेच महीला उपस्थित होत्या. संचालन हवालदार विजय सलामे यांनी केले तर आभार गुप्त विभागाचे पोलीस साठवणे यांनी मानले.